Ang Akong Mga Damgo

My beloved son. He is very sound asleep.

Ang Akong Mga Damgo

Sa akong mga damgo anaay ikaw ug ako

Nga sa kanunay kita magkauban bisan pa

Sa mga unos nga moabot sa atong mga dalan.

Pagkatam-is palandungon Oh mahal ko

Nga sa kasakit ug kalipay kitang duha

Sa kanunay magkahiusa sa pagtuo

Nga ang gugma, pagsinabtanay, ug respeto

Maoy mahimong mga lamas diin ang gugma ta mag- aso aso.

So, minahal ko

Ania ako nga sa kanunay

Mopangga ug magmahal kanimo

Kay sa akong mga damgo

Ikaw ug anak ta ang hinungdan

Nganong magdamgo ako.

Kanimo ako mapasalamaton pag-ayo

Tungod kay imong gihimong 

Mabulukon ang kinabuhi ko

Ug nga ako swerte kaayong nakabaton ug sama kanimo.

Oh pinalangga ko kanimo lamang

Mituyok ang kinabuhi ko

Ug sa atong pinalanggang anak nga lambing kaayo

Kanimo itugyan ko ang tibook kung pagkatawo

Kay ikaw ang Bathalang 

Nga sa Balaan nga Dios 

Gidungog ang mga pag-ampo ko.

Nga unta pagasaw.an  ug yayungan ta

Ang kahamugaway ug kasakit

Niining kalibutana

Kay kung anaay ikaw ug ako 

Ang mga damgo ko adunahan na kaayo!

Ug dili nato kalimtan ang pagdangop 

sa labawng makagagahom

nga unta kita iya panalanginan

ug giyahan sa kanunay

Kay siya mao ang tuburan sa gugma ug sa mga damgo.

Ang akong mga damgo. Bow!

(Composed by: Meizel Nuera)